კარლ ჰარცელი: ევროკავშირი მოითხოვს ზაზა გახელაძის დაუყოვნებლივ გათავისუფლებას

ზაზა გახელაძისთვის ოკუპირებულ ცხინვალში გამოტანილ განაჩენს ეხმაურება საქართველოში ევროკავშირის ელჩი კარლ ჰარცელი. როგორც დიპლომატი აცხადებს, 2020 წლის 11 ივლისს გახელაძის უკანონო დაკავების შემდეგ, ევროკავშირი მის მყისიერ გათავისუფლებას დაჟინებით მოითხოვს, მათ შორის, ევროკავშირის სადამკვირვებლო მისიის მიერ მართული „ცხელი ხაზის" მეშვეობით და ერგნეთის ინციდენტების პრევენციისა და მათზე რეაგირების მექანიზმის (IPRM) და ჟენევის საერთაშორისო დისკუსიების ფარგლებში. ჰარცელი აღნიშნავს, რომ ამ კონტექსტში ევროკავშირი რუსეთის ფედერაციას ასევე ახსენებს მისი პასუხისმგებლობის შესახებ ადამიანის უფლებათა ევროპული სასამართლოს მიერ 2021 წლის 21 იანვარს მიღებული გადაწყვეტილების შესაბამისად. „ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და გააგრძელებს ადმინისტრაციული საზღვრების გასწვრივ მცხოვრები კონფლიქტის შედეგად დაზარალებული მოსახლეობის ადამიანის უფლებებისა და უსაფრთხოების მდგომარეობის საკითხების მოგვარებას ჟენევის საერთაშორისო დისკუსიებისა და ინციდენტების პრევენციისა და მათზე რეაგირების მექანიზმის (IPRM) შეხვედრების ფარგლებში", - აცხადებს ჰარცელი. რუსეთის მიერ ოკუპირებული ცხინვალის რეგიონის დე ფაქტო სასამართლომ ზაზა გახელაძეს 12 წლით და 6 თვით პატიმრობა მიუსაჯა. საოკუპაციო ძალების მიერ გასული წლის ზაფხულში დაკავებულ ზაზა გახელაძეს დე ფაქტო ხელისუფლებამ ბრალი წაუყენა რუსეთის სისხლის სამართლის კოდექსის ორი მუხლით - "სიცოცხლის ხელყოფის მცდელობა" და "სახელმწიფო საზღვრის უკანონოდ გადაკვეთა". კასპის მუნიციპალიტეტის სოფელ ქვემო ჭალის მცხოვრები ზაზა გახელაძე საოკუპაციო ძალების წარმომადგენლებმა 2020 წლის 11 ივლისს, სხვილოს ციხის მიმდებარე ტერიტორიაზე, ცეცხლსასროლი იარაღით ფეხში დაჭრეს და დააკავეს. დე ფაქტო ხელისუფლება ირწმუნებოდა, რომ გახელაძემ სამხედრო მოსამსახურეს ესროლა, თუმცა, სასამართლო პროცესზე ერთ-ერთმა მოწმემ თქვა, რომ ზაზა გახელაძეს დამიზნებით არ უსვრია. ...
წყარო

Nina

თბილისი
  • 8 თვის წინ
  • 100%

Lana

თბილისი
  • 4 საათის წინ

Svetlana

თბილისი
  • 1 დღის წინ

♥eleniko♥

თბილისი
  • 11 თვის წინ

Elena

თბილისი
  • 11 თვის წინ

Tika

თბილისი
  • 11 თვის წინ

Rita

თბილისი
  • 2 დღის წინ

Elisa

თბილისი
  • 6 თვის წინ

Lika

თბილისი
  • 2 დღის წინ

Lala

ქუთაისი
  • 16 დღის წინ

Lile

თბილისი
  • 6 თვის წინ

Natashka virt

თბილისი
  • 6 თვის წინ