ნინოწმინდა-ახალქალაქის გზა დიდთოვლობის გამო სატვირთოებისთვის ჩაიკეტა

სამცხე-ჯავახეთში მოსული თოვლის გამო ახალციხიდან ნინოწმინდა-ახალქალაქის მიმართულებით მიმავალი გზა სატვირთო მანქანებისთვის ჩაკეტილია. 10-მდე სატვირთო გუშინ, 16 თებერვალს, გვიან ღამით ახალციხეში გააჩერეს - მათ თურქეთისა და სომხეთის საზღვრის მიმართულებით გადაადგილების უფლებას არ აძლევენ. საავტომობილო გზების დეპარტამენტის ინფორმაციით, ინტენსიური თოვის, ქარბუქისა და ცუდი მხედველობის გამო, საერთაშორისო მნიშვნელობის ახალქალაქი-კარწახის საავტომობილო გზის კმ1-კმ36,5 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. "ფოთიდან მოვდივარ, წუხელ შუაღამის 3 საათზე გაგვაჩერა პატრულმა დიდთოვლობის გამო, მას მერე ველოდებით როდის გაიხსნება გზა და გაგვიშვებენ", - აცხადებს ოთარ შალამბერიძე, სატვირთოს მძღოლი. "წელს პირველი შემთხვევაა, როცა გაჩერება მოგვიწია. შუაღამის მერე აქ ვდგავართ და ველოდებით. ერევანში მივდივართ, მაგრამ რამდენ ხანს მოგვიწევს ლოდინი, არავინ გვეუბნება", - ამბობს კიდევ ერთი სატვირთოს მძღოლი, თამაზ ბერაია. მხარის რწმუნებული, ბესიკ ამირანაშვილი ამბობს, რომ გზები ინტენსიურად იწმინდება, თუმცა გადაუღებელი თოვის გამო მოძრაობა ნინოწმინდის საბაჟო პუნქტისკენ შეჩერებულია. ...
წყარო

Nina transi

თბილისი
  • 9 თვის წინ

Nata

თბილისი
  • 4 თვის წინ

Lata

თბილისი
  • 14 დღის წინ

Nina

თბილისი
  • 8 თვის წინ

Babi

თბილისი
  • 7 თვის წინ

ვერონიკა

თბილისი
  • 7 თვის წინ

Inesa

თბილისი
  • 3 დღის წინ

Ilona

თბილისი
  • 3 დღის წინ

Vika

ბათუმი
  • 1 დღის წინ

Qrtusa

თბილისი
  • 5 თვის წინ

mari mari

თბილისი
  • 4 თვის წინ

Qeti

თბილისი
  • 9 დღის წინ