საქართველოს პრემიერ-მინისტრი ირაკლი ღარიბაშვილი აცხადებს, რომ ხელისუფლება მზად არის პოლიტიკურ ძალებს ელაპარაკოს. ამის შესახებ მან ევროპული საბჭოს პრეზიდენტთან, შარლ მიშელთან შეხვედრის შემდეგ ერთობლივ ბრიფინგზე განაცხადა. "ბატონ პრეზიდენტს დავუდასტურეთ ხელისუფლების მტკიცე მზაობა პოლიტიკურ ძალებთან დიალოგისთვის, რათა მაქსიმალურად მოკლე დროში შევძლოთ ქვეყანაში პოლიტიკური პროცესების ნორმალიზება და, ასე ვთქვათ, ერთობლივი ძალებით ვებრძოლოთ გამოწვევებს და ვიზრუნოთ ჩვენი ქვეყნის სტაბილურ განვითარებაზე", - განაცხადა ღარიბაშვილმა. მისი თქმით, ეს ვიზიტი ცხადყოფს ევროკავშირის მზაობას, გააგრძელოს საქართველოს მხარდაჭერა, რომელმაც, საბოლოოდ, ქვეყანა ევროკავშირის სრულფასოვანი წევრი უნდა გახადოს. три ევროპული საბჭოს პრეზიდენტი საქართველოს 28 თებერვალს, საღამოს ეწვია. შარლ მიშელის ვიზიტი მიმდინარეობს საქართველოში ბოლო საპარლამენტო არჩევნების შემდეგ შექმნილი პოლიტიკური კრიზისის ფონზე, რომელიც კიდევ უფრო გაამწვავა „ნაციონალური მოძრაობის“ თავმჯდომარის, ნიკა მელიას დაპატიმრებამ. მიშელი ვიზიტის ფარგლებში შეხვდა პრეზიდენტსა და ოპოზიციის წარმომადგენლებს. ის ასევე ჩავიდა საოკუპაციო ხაზთან. ...