საქართველოს პრეზიდენტის ადმინისტრაციის ცნობით, ევროპული საბჭოს პრეზიდენტის შარლ მიშელის მიერ ორგანიზებული შეხვედრა ხელისუფლების წარმომადგენლებსა და ოპოზიციას შორის დღეს, 1 მარტს, 20:00 საათზე გაიმართება. შეხვედრას ორბელიანების სასახლეში პრეზიდენტი სალომე ზურაბიშვილი უმასპინძლებს. შარლ მიშელი გამოვიდა ინიციატივით ოპოზიციასა და პრემიერს შორის დღეს საღამოს შეხვედრის გამართვის შესახებ. პრემიერმა ღარიბაშვილმა იქვე დაადასტურა ოპოზიციასთან შეხვედრის მზადყოფნა. три ევროპული საბჭოს პრეზიდენტი საქართველოს 28 თებერვალს, საღამოს ეწვია. შარლ მიშელის ვიზიტი მიმდინარეობს საქართველოში ბოლო საპარლამენტო არჩევნების შემდეგ შექმნილი პოლიტიკური კრიზისის ფონზე, რომელიც კიდევ უფრო გაამწვავა „ნაციონალური მოძრაობის“ თავმჯდომარის, ნიკა მელიას დაპატიმრებამ. მიშელი ვიზიტის ფარგლებში შეხვდა პრეზიდენტსა და ოპოზიციის წარმომადგენლებს. ის ასევე ჩავიდა საოკუპაციო ხაზთან. ...