ვარლამ გოლეთიანი აქციაზე მომხდარ დაპირისპირებაზე: სიმბოლიკები არ დაიშვება

ნამახვანჰესის საწინააღმდეგო აქციაზე სიტყვით გამოსვლისას "რიონის ხეობის მცველების" მოძრაობის ერთ-ერთმა ლიდერმა, ვარლამ გოლეთიანმა ილაპარაკა რესპუბლიკის მოედანზე დღეს მომხდარ დაპირისპირებაზე, სადაც ალექსანდრე ფალავანდიშვილი თავს დაესხა მოძრაობა "სირცხვილიას" აქტივისტ სალომე ბარკერს "ცისარტყელას სამკლავურის" გამო და ტერიტორიის დატოვება მოსთხოვა. ვარლამ გოლეთიანის თქმით, მათი მოძრაობა ძალადობას ემიჯნება და სურს, რომ მათი პროტესტი იყოს მშვიდობიანი, მაგრამ არ ემხრობა არანაირი სიმბოლიკის გამოყენებას ნამახვანჰესის საწინააღმდეგო აქციაზე. "რა არის ახლა ამ ძალადობის და დაპირისპირების გამომწვევი მიზეზები? ეს შეიძლება გახდეს რაღაც სიმბოლიკები და ჩვენ მუდმივად ვამბობთ, რომ ნებისმიერი ტიპის სიმბოლიკა, რაც არ არის სახელმწიფო სიმბოლიკა, არ დაიშვება ჩვენს აქციებზე და გთხოვთ, რომ ეს გაითვალისწინოთ", - თქვა ვარლამ გოლეთიანმა აქციაზე სიტყვით გამოსვლისას. თავად სალომე ბარკერი ამბობს, რომ მას სამკლავური 2019 წლიდან მუდმივად უკეთია და აქციაზეც, სადაც 12 საათისთვის მივიდა, სხვა არაერთი ადამიანი იყო სხვადასხვა სიმბოლიკით (ჯვრები, დროშები და სხვა). "მეცა გურამ ფალავანდიშვილის ვაჟი და ჩამაფრინდა მკლავზე და მიბრძანა, რომ ეს მოვიხსნა, აქ პრაიდი არ არის. მე ვუპასუხე ძალიან მშვიდად, რომ ეს მიკეთია ყოველდღე, ყველგან, უკვე ორი წელია და არ ვაპირებ მოხსნას. ასევე ვუთხარი რომ ეს დაძაბულობა, რაც თავად შექმნა ჩემ ირგვლივ, საერთოდ არავის არ სჭირდება და საქმეს აფუჭებს, და ასევე ვუთხარი, რომ ცოტა ხანში ერთად მოგვიწევდა პოლიციასთან ბრძოლა, და ტყუილად კარგავდა დროს და ფოკუსს. უცბად დაემატნენ ირგვლივ სხვებიც, იცით ხო როგორც ხდება? ვიღაც სხვამაც მიფათურა ხელი მკლავზე, მოხსნას ცდილობდა, ვიღაცამ საერთოდ “ტრუსიკით რატო ხარ აქციაზე, შარვალი ჩაიცვიო” მომიწოდა, დამესიენ აქედან-იქიდან, რას ჰგავხარო, ვიღაც ქალმა შენნაირების ადგილი აქ არ არისო და ასე შემდეგ. გამორიდება ვცადე, და მაგის საშუალებასაც არ მაძლევდნენ, გადიო და კარვების გადათელა მომიწია ისე დამეხვივნენ გარს, პროვოკატორს გვეძახდნენ მე და ზუკას, როცა ვცდილობდით ტერიტორიის დატოვებას მიუხედავად იმისა, რომ მივედით მხარდასაჭერად", - წერს სალომე ბარკერი მომხდარის შემდეგ ფეისბუკზე. კადრებში, რომელიც რადიო თავისუფლებამ გადაიღო შემთხვევის ადგილას, ისმის, როგორ იძახიან აქციის მონაწილეები ჰომოფობიურ შეძახილებს სალომე ბარკერის და ზუკა ბერძენიშვილის მისამართით.три ...
წყარო

Marimxiar

თბილისი
  • 8 თვის წინ

Nini

ბათუმი
  • 15 თვის წინ

ვერონიკა

თბილისი
  • 10 თვის წინ

Ilona

თბილისი
  • 7 საათის წინ

Ninaka

თბილისი
  • 10 თვის წინ

Marikuna

ბათუმი
  • 12 თვის წინ

Lika

თბილისი
  • 11 თვის წინ

ნინი

თბილისი
  • 7 თვის წინ

Lika

თბილისი
  • 2 დღის წინ

Kato

თბილისი
  • 7 თვის წინ

наталья

თბილისი
  • 3 საათის წინ

Zarra

თბილისი
  • 8 თვის წინ