ღარიბაშვილის თქმით, მთავრობა უახლოეს პერიოდში ხუთი სტრატეგიული დოკუმენტის შექმნას აპირებს

საქართველოს პრემიერ-მინისტრმა ირაკლი ღარიბაშვილმა, პარლამენტში ყოველწლიური ანგარიშის წარდგენისას თქვა, რომ გარდა ქვეყნის განვითარების ათწლიანი გეგმისა, რომელიც შემოდგომაზე იქნება მზად, მთავრობა ხელისუფლებაში ყოფნის მეცხრე წელს მუშაობს სხვა სტრატეგიული დოკუმენტების შექმნაზეც. კერძოდ, უახლოეს პერიოდში მთავრობა აპირებს შექმნას შემდეგი დოკუმენტები: აფხაზეთისა და ცხინვალის რეგიონის სოციალურ-ეკონომიკური განვითარების სტრატეგია; საწყის ეტაპზე შეიქმნება გალის და ახალგორის რაიონების სოციალურ-ეკონომიკური რეაბილიტაციის კონცეფციაც. ადამიანის უფლებათა დაცვის სტრატეგია, რომელიც, პრემიერის თქმით, უმაღლესი სტანდარტების ეროვნული დოკუმენტი იქნება. მისი მიზანი დისკრიმინაციის აღმოფხვრა, ინკლუზიურობისა და თანასწორობის პოლიტიკის, გენდერული თანასწორობის გაძლიერება, ქალთა მიმართ და ოჯახში ძალადობის რისკების შემცირება, ბავშვთა უფლებების დაცვაა. სოციალური კოდექსი, რომელიც, ირაკლი ღარიბაშვილის თქმით, მდგრად, სამართლიან და ეფექტიან სისტემას ჩამოაყალიბებს და ამ დოკუმენტის მიზანი სოციალური, ჯანდაცვის და სადაზღვევო სფეროს რეფორმა იქნება. კულტურის კოდექსი, რომელიც კულტურის მინისტრის ინიციატივაა. პრემიერ-მინისტრმა პარლამენტში ანგარიშის წარდგენისას ახსენა ასევე თავდაცვის ძალების სამოქმედო გეგმა 2020-2030, რომელიც მთავრობამ უკვე დაამტკიცა. „ჩვენ უნდა დავძლიოთ ინერცია, როდესაც პოლიტიკოსები და პარტიები საარჩევნო კატეგორიებით, არჩევნებიდან არჩევნებამდე პერსპექტივაში ფიქრობენ. უნდა დავსახოთ ქვეყნის განვითარების ახალი ჰორიზონტი”, - თქვა ირაკლი ღარიბაშვილმა ქვეყნის განვითარების ათწლიან გეგმაზე პარლამენტში საუბრისას და აღნიშნა, რომ ქვეყანას სჭირდება განვითარების გრძელვადიანი გეგმა, რომელიც უზრუნველყოფს თითოეული მოქალაქის კეთილდღეობას, თანასწორობას, ქვეყნის სტაბილურობასა და უსაფრთხოებას. ასევე ნახეთ ირაკლი ღარიბაშვილის თქმით, ქვეყანაში კორუფციის წინააღმდეგ ბრძოლა ეფექტიანია ასევე ნახეთ ხაბეიშვილი ღარიბაშვილს: 6 665 ადამიანის საარსებო მინიმუმი პირდაპირ მაჯაზე გკიდიათ ...
წყარო

B a b i

თბილისი
  • 1 თვის წინ

Tata

თბილისი
  • 17 თვის წინ

Maka varketili

თბილისი
  • 1 დღის წინ

Maka

თბილისი
  • 1 თვის წინ

Lile

ქუთაისი
  • 15 საათის წინ

Mari

თბილისი
  • 19 საათის წინ

Nitaa

თბილისი
  • 6 თვის წინ

Tiko

თბილისი
  • 4 თვის წინ
  • VIP

Lusi22

თბილისი
  • 16 საათის წინ

Darina

თბილისი
  • 4 თვის წინ

Liza

თბილისი
  • 19 თვის წინ
  • VIP

Nita

თბილისი
  • 1 დღის წინ