ქნესეთმა 2003 წლის შემდეგ პირველად ვერ გააგრძელა სადავო კანონის მოქმედება

ისრაელის პარლამენტმა 2003 წლის შემდეგ პირველად ვერ შეძლო გაეგრძელებინა მოქალაქეობის შესახებ სადავო კანონის მოქმედება. კანონი ნებას არ აძლევს პალესტინელებს, რომლებიც მდინარე იორდანეს დასავლეთ ნაპირზე და ღაზის სექტორში ცხოვრობენ და ქორწინებაში არიან ისრაელის მოქალაქეებთან, ავტომატურად ჰქონდეთ პრეტენზია ისრაელის პასპორტის მიღებაზე. დებატების შემდეგ, რომელიც წუხელ გვიან ღამემდე გაგრძელდა, დოკუმენტმა მომხრეთა და მოწინააღმდეგეთა თანაბარი რაოდენობის ხმები მიიღო. თავი შეიკავა ორმა დეპუტატმა „გაერთიანებული არაბული სიიდან“, რომელიც ისრაელში არაბული უმცირესობის ინტერესებს იცავს. ყოფილი პრემიერ-მინისტრის, ბენიამინ ნეთანიაჰუს მომხრეებმა, ოპოზიციონერმა მემარჯვენე პოლიტიკოსებმა, რომლებიც ტრადიციულად კანონის სასარგებლოდ აძლევენ ხმას, ამჯერად არ დაუჭირეს მას მხარი. ამგვარად, როგორც მიმომხილველები შენიშნავენ, უხერხული ვითარება შეიქმნა მთავრობისთვის, რომელსაც ნაციონალისტური პარტია „იამინას“ ლიდერი ნაფტალი ბენეტი უდგას სათავეში. კენჭისყრა ბენეტის მთავრობისადმი ნდობის ვოტუმად განიხილება. მთავრობა შედგება სხვადასხვა პოლიტიკური ძალისგან. მასში არიან მემარცხენეები, ცენტრისტები, მემარჯვენეები და არაბული გაერთიანებების წარმომადგენლები. სამთავრობო კოალიცია კომპრომისული წინადადებით გამოვიდა და დოკუმენტის ნახევარი წლით გაგრძელებას უჭერდა მხარს. მანამდე კანონის მოქმედებას ერთი წლით ახანგრძლივებდნენ ხოლმე. გადაწყვეტილებას უსაფრთხოების ზომებს უკავშირებდნენ. პროექტი პირველად მიღებულ იქნა 18 წლის წინ, პალესტინური ინტიფადის დროს. ახლა მისი მოქმედება 7 ივლისს შეწყდება. ...
წყარო

Anita

ბათუმი
  • 6 საათის წინ

Monika

თბილისი
  • 11 თვის წინ

Elene

ბათუმი
  • 2 დღის წინ

Sofia

თბილისი
  • 10 თვის წინ

Nanuka

თბილისი
  • 12 საათის წინ

Виола

თბილისი
  • 17 საათის წინ

Lile

თბილისი
  • 17 საათის წინ

наталья

თბილისი
  • 12 საათის წინ

Salo

თბილისი
  • 1 თვის წინ
  • VIP

Kato

თბილისი
  • 4 საათის წინ

ლიკა

თბილისი
  • 17 დღის წინ
  • 100%

Natali

თბილისი
  • 3 დღის წინ