აფხაზეთის დე ფაქტო მთავრობა გალელებს საქართველოს კლინიკებში აცრას სთავაზობს

რუსეთის მიერ ოკუპირებული აფხაზეთის დე ფაქტო მთავრობამ დაადასტურა, რომ 5 ივლისიდან მოქმედებს ენგურის ხიდის გადაკვეთის გამარტივებული რეჟიმი. შესაბამისად, გალელებს ვაქცინაცია შეეძლებათ არა მხოლოდ საცხოვრებელი მისამართის მიხედვით, არამედ მათ სურვილის შესაბამისად, წერს "აფსნიპრესი". აფხაზეთის მთავარი სანიტარული ექიმის ლუდმილა სკორიკის თანახმად, ე.წ. საზღვარზე მოწყობილია სამედიცინო პუნქტი, სადაც გადაადგილებულებს აღრიცხავენ. „რეჟიმი შემსუბუქებულია, რათა ხალხმა ვაქცინაცია შეძლოს, უკან დაბრუნებულებმა აუცილებლად უნდა შეიარონ სამედიცინო პუნქტში ვაქცინირებულთა ასაღრიცხად, ასე ყველანი ერთად შევებრძოლებით ამ ინფექციას“, - განაცხადა დე ფაქტო რაიონის ადმინისტრაციის ხელმძღვანელმა კონსტანტინე ფილიამ. გალის რაიონის მთავარი ექიმის ასტამურ გამგიას თქმით, ენგურის ხიდის გადაკვეთის მსურველთათვის გარკვეული მოთხოვნებია. „იმის გათვალისწინებით, რომ COVID-19 ძალებს იკრებს, ჩვენ გავხსენით სამედიცინო პუნქტი „ენგური“, კონტინგენტის შესასწალად, რათა შეგვეძლოს სტატისტიკის წარმოება. იმ მოქალაქეებისთვის, ვინც საზღვარს გადაკეთს, იქნება გარკვეული მოთხოვნები, მათ უნდა წარმოადგინონ ვაქცინაციის ცნობა, ან PCR ტესტის შედეგები, მათ კი, ვინც ვირუსი უკვე გადაიტანა, უნდა წარმოადგინონ ანტისხეულების არსებობის დამადასტურებელი ცნობა. ჩამოთვლილთაგან ერთი ცნობის წარმოდგენის საფუძველზე პირს საზღვრის გადაკვეთის უფლება ექნება, გამოკვლევებისა და მკურნალობის მიზნით მიმავალმა მოქალაქეებმაც უნდა წარმოადგინონ ცნობები“, - აღნიშნა ექიმმა. ცნობების გარეშე გაატარებენ მხოლოდ გადაუდებელი აუცილებლობის მქონე პაციენტებს. საქართველოს კონტროლირებადი ტერიტორიიდან აფხაზეთის დე ფაქტო რესპუბლიკაში 3 დღის შემდეგ დაბრუნებულებს დასჭირდებათ 72 საათით ადრე ჩატარებული უარყოფითი PCR ტესტის პასუხი ან ვაქცინაციის ცნობა. ენგურის ხიდი მოქალაქეებისთვის დილის 09:00 საათიდან 19:00 საათამდე იქნება ღია. 5 ივლისიდან ენგურის ე.წ. გადასასვლელი ხიდი სრულად გაიხსნა. ინფორმაცია შერიგებისა და სამოქალაქო თანასწორობის საკითხებში სახელმწიფო მინისტრის აპარატმა გაავრცელა. უკვე წელიწადზე მეტია, რაც საოკუპაციო რეჟიმმა, თავისუფალ გადაადგილებაზე უკანონო შემზღუდვები დააწესა. შეზღუდვების ეტაპობრივი მოხსნა 2021 წლის 11 თებერვლიდან მოხერხდა საერთაშორისო ორგანიზაციების მხარდაჭერით გაწეული ძალისხმევის შედეგად. საქართველოში კოვიდსაწინააღმდეგო ვაქცინაცია 15 მარტს დაიწყო. 6 ივლისის მონაცემებით, სულ აცრილია 272 810 ადამიანი. აფხაზეთის დე ფაქტო რესპუბლიკაში ვაქცინაცია 12 მაისს დაიწყო რუსული წარმოების "სპუტნიკით". 26 ივნისის მონაცემებით, აფხაზეთში სულ აცრილი იყო 4682 ადამიანი, მათ შორის 2197 - ორჯერადად. ...
წყარო

Lizi

თბილისი
  • 1 თვის წინ

Lora

თბილისი
  • 1 საათის წინ

Anna

თბილისი
  • 5 საათის წინ

ნინი

ქუთაისი
  • 4 თვის წინ

Nata

თბილისი
  • 15 თვის წინ

Lenachka

ქუთაისი
  • 3 თვის წინ

Saly

თბილისი
  • 16 თვის წინ

Nanka

ქუთაისი
  • 4 თვის წინ

Olichka

თბილისი
  • 4 თვის წინ

Tatia

თბილისი
  • 10 წუთის წინ

Nina

თბილისი
  • 4 თვის წინ

Elay kazashka

თბილისი
  • 25 დღის წინ