გორის საკრებულოს თავმჯდომარემ საკრებულოს წევრს სექსისტური შინაარსის შეურაცხყოფა მიაყენა

გორის საკრებულოს თავმჯდომარემ დავით რაზმაძემ სხდომაზე საკრებულოს დამოუკიდებელ წევრს ირმა ამბარდნიშვილს შეურაცხყოფა მიაყენა. „შენნაირ ქუჩის ქალს საკრებულოში რა უნდა“, - მიმართა მან საკრებულოს წევრ ქალს. ირმა ამბარდნიშვილმა პროტესტის ნიშნად საკრებულოს სხდომა დატოვა. მას სოლიდარობა გამოუცხადეს საკრებულოს ოპოზიციონერმა წევრებმა. ისინი ამბობენ, რომ სექსისტური მიმართვები და შეურაცხყოფა მათთვის მიუღებელია. მათი ნაწილი საკრებულოს თავმჯდომარისგან ბოდიშის მოხდას მოითხოვს. „რა თქმა უნდა, სოლიდარობას ვუცხადებ ირმა ამბარდნიშვილს და პროტესტის ნიშნად დავტოვე დარბაზი. “ქართული ოცნების” აგრესულ წარმომადგენლებს არც კი გაუჩნდათ იმის განცდა, რომ ქალბატონს მიაყენეს შეურაცხყოფა. ვგმობ ყველანაირ ძალადობას და შეურაცხყოფას”, - განაცხადა „ნაციონალური მოძრაობის“ წევრმა ბექა ქორჩილავამ. „ლელო საქართველოსთვის“ წარმომადგენელმა პაპუნა კობერიძემ საკრებულოს თავმჯდომარეს ბოდიშის მოხდა მოსთხოვა. „საკრებულოს თავმჯდომარეს მივმართავ, მოვიწვიოთ ის ქალბატონი და ბოდიში მოვუხადოთ. ეს ფაქტი არ უნდა მომხდარიყო”. პაპუნა კობერიძის ამ მიმართვის შემდეგ, დავით რაზმაძემ თქვა, რომ ბოდიშის მოხდას ირმა ამბარდნიშვილისგანაც ითხოვს: „ჩვენ თმენის ვალდებულება გვაქვს და არ უნდა ავყოლოდი, თუმცა პაპუნას განცხადება არის სექსისტური, არც ქალმა არ უნდა მიაყენოს შეურაცხყოფა და არც – კაცმა. მე მოვიხადე ბოდიში ამ ინციდენტის გამო და ირმასგანაც იგივეს ვითხოვ”. საკრებულოს სხდომაზე დაპირისპირება მერიის ბალანსზე არსებული ავტომობილებისთვის საწვავის ხარჯის ლიმიტის გაზრდაზე მსჯელობას მოჰყვა. ირმა ამბარდნიშვილი ლიმიტის გაზრდის წინააღმდეგი იყო. მის პოზიციას კი მმართველი პარტიის დეპუტატები არ იზიარებდნენ. სწორედ ამ კამათის დროს უთხრა საკრებულოს თავმჯდომარემ ირმა ამბარდნიშვილს - „შენნაირ ქუჩის ქალს საკრებულოში რა უნდაო”. ირმა ამბარდნიშვილი მოკლე კომენტარით შემოიფარგლა. ის აპირებს, საკრებულოს თავმჯდომარის წინააღმდეგ, ღირსების შემლახველი გამონათქვამის გამო, პროკურატურას საჩივრით მიმართოს. ...
წყარო

Domina

თბილისი
  • 15 საათის წინ

Ana

თბილისი
  • 1 თვის წინ

Sofi

თბილისი
  • 17 საათის წინ

ნიაკო

თბილისი
  • 2 დღის წინ

Ana

თბილისი
  • 3 თვის წინ

Masaji liza varketili

თბილისი
  • 21 საათის წინ

Marisha

თბილისი
  • 11 დღის წინ

Nina

თბილისი
  • 1 თვის წინ

Ani

თბილისი
  • 9 საათის წინ

Katis

თბილისი
  • 1 თვის წინ

Eva

რუსთავი
  • 1 თვის წინ

Miranda

თბილისი
  • 8 საათის წინ