საქართველოში დასაქმებული ქალების მხოლოდ 3%-ს აქვს კანონით მინიჭებული უფლება, ისარგებლოს დედობის სრულად ანაზღაურებადი შვებულებით, ამის შესახებ ნათქვამია გაეროს ქალთა ორგანიზაციისა და თბილისის სახელმწიფო უნივერსიტეტის ეკონომიკის საერთაშორისო სკოლის (ISET) ერთობლივ კვლევაში. კვლევის თანახმად, გამონაკლის შემთხვევაში, დამსაქმებელი თავისი სურვილით უხდის მათ ანაზღაურებას. დედობის შვებულების სახელმწიფო კომპენსაცია თვეში 167 ლარია, რაც საარსებო მინიმუმზე ნაკლებია. (მაისის მონაცემებით საარსებო მინიმუმი 205 ლარია). ასევე ნახეთ "დაჩეხილი კოდექსი": რა აზრი აქვს ახალ კანონს, თუ შრომის ინსპექცია სუსტი დარჩება? გარეოს ქალთა ორგანიზაციის თანახმად, შრომის კოდექსით ბავშვის მოვლის ანაზღაურებადი შვებულება ქალებისა და კაცებისთვის არათანაბრადაა ხელმისაწვდომი, რის გამოც პროფესიულ საქმიანობას უმეტესად ქალები თმობენ. ასევე ნახეთ დეკრეტული შვებულება: უნდა მიეცეს როგორც ქალებს, ასევე კაცებს „ოჯახის საქმეებზე პასუხისმგებლობის აღებაც ძირითადად ქალებს უწევთ, ამიტომ რეპროდუქციულ ასაკში ისინი არაპროდუქტიულ თანამშრომლებად და ნაკლებად მიმზიდველ კადრად განიხილებიან. საბოლოოდ, ეს გარემოებები სამუშაო ძალაში ქალთა მონაწილეობაზე ნეგატიურად აისახება“, - აცხადებენ გაეროს ქალთა ორგანიზაციაში. შრომის კოდექსით ორსულობის, მშობიარობის ან ბავშვის მოვლის მიზეზით ანაზღურებადი დეკრეტული შვებულება მინიმუმ 183 დღეს შეადგენს. სახელმწიფო ერთჯერადად 100 ლარს გასცემს. ...