ლიეტუვის სეიმმა არ დაუჭირა მხარი ცვლილებებს კანონმდებლობაში, რომელიც ქვეყანაში მცხოვრებ რუსეთისა და ბელარუსის მოქალაქეებს უკრძალავს სამშობლოში ხშირად მოგზაურობას. ადრე ამ ცვლილების რეკომენდაცია გასცა პარლამენტის ეროვნული უსაფრთხოებს კომიტეტმა. კანონპროექტის მიხედვით, რუსეთისა და ბელარუსის მოქალაქეებისთვის, რომლებიც უფრო ხშირად მოგზაურობენ საკუთარ სამშობლოში, ვიდრე თვეში სამჯერ, შეიძლებოდა ლიეტუვაში ბინადრობის უფლება ჩამოერთმიათ. საკანონმდებლო ცვლილებას მხარი დაუჭირა 41-მა დეპუტატმა, წინააღმდეგი იყო 37, ხოლო 39-მა თავი შეიკავა. სეიმში კანონები მიიღება დამსწრე დეპუტატების უმრავლესობით. მოცემულ შემთხვევაში დოკუმენტის მისაღებად მისთვის მხარი უნდა დაეჭირა 58 დეპუტატს. ასევე ნახეთ სასწორზე ქართველი ხალხის მომავალი დევს - ევროპის 12 ქვეყნის საგარეო კომიტეტები ცალკე განიხილეს წინადადება იმის შესახებ, რომ აიკრძალოს რუსეთსა და ბელარუსში წელიწადში ერთხელ მოგზაურობა. მას მხარი დაუჭირა 20-მა დეპუტატმა, 47 წინააღმდეგი იყო, 45-მა თავი შეიკავა. როგორც ლიეტუვის ეროვნული ტელევიზია იტყობინება, დეპუტატები გააგრძელებენ განხილვას კანონპროექტისა, რომელიც რუსეთისა და ბელარუსის მოქალაქეებისთვის სანქციების ერთი წლით გახანგრძლივებას ითვალისწინებს უკრაინაში ომის გამო. კანონმდებლობაში შედის შეზღუდვები რუსეთისა და ბელარუსის მოქალაქეებისთვის ვიზების გაცემაზე. გარდა ამისა, გათვალისწინებულია შეზღუდვების შემოღება ქვეყანაში მცხოვრები რუსი ბიზნესმენებისთვის, მათ შორის იმათთვისაც, რომლებსაც მუდმივი ბინადრობის უფლება აქვთ. ...